Nibhaayi WaZ-E-Bissmil.......

Roman Urdu

Nibhaayi WaZ-E-Bissmil Intiha Tak.......... !!

Naa Maanga Qaatilo'n Say Khoon'Baha Tak.......... !!

Naa Jaanay Kya Hua Zindaaniyo'n Ko,

Kay Be-Aawaz Hai ZanJeer-E-Paa Tak.......... !!

Urraa Kr Lay Gayee'n In Mausmo'n Me'n,

Hawaaye'n Be-Nawaao'n Ki Rawaa Tak.......... !!

Wafaa Kay Naam Pr Kuchh Sho'Abda-Gr,

Churaa Letay Hai'n Haatho'n Ki Hina Tak.......... !!

Faraz Aankhe'n Ganwaayee'n Umr Khoyi,

Kahaa Tha Kiss Nay Uss Kaa Raasta Tak.......... !!*

Read More

Dhayaan Me'n Rakhna....

Roman Urdu

Apni Hee AawaaZ Ko Be-Shak Kaan Me'n Rakhna.......... !!

Lekin Shehr Ki Khaamoshi Bhi Dhayaan Me'n Rakhna.......... !!

Mere Jhoott Ko Khollo Bhi Or Tollo Bhi Tum,

Lekin Apnay Such Ko Bhi MeeZaan Me'n Rakhna.......... !!

Kall Taareekh Yaqeenan Khud Ko Dohraaye Gi,

AaJ Kay Ik Ik ManZar Ko Pehchaan Me'n Rakhna.......... !!

BaZm Me'n Yaaro'n Ki ShamSheer Lahoo Me'n Tr Hai,

RiZm Me'n Lekin Talwaaro'n Ko Mayaan Me'n Rakhna.......... !!

AaJ To Ay Dill Tark-E-Taa'Aaluq Pr Tum Khush Ho,

Kal Kay Pachhtaaway Ko Bhi Imkaan Me'n Rakhna.......... !!

Iss Darya Say Aagay Aik Samandar Bhi Hai,

Or Wo Be-Saahill Hai, Ye Bhi Dhayaan Me'n Rakhna.......... !!

Iss Mausam Me'n GullDaano'n Ki Rasm Kahaa'n Hai,

Logo Ab Phoolo'n Ko AatishDaan Me'n Rakhna.......... !!*

Read More

Shehr-E-Dil-E-AaZar Kay Beech.....

Roman Urdu

Bech Rakhtay Hai'n Saahab-O-Deewar Kay Beech.......... !!

Hum Nay Sr Girtay Huye Dekhay Hai'n, Baazaar Kay Beech.......... !!

Baagh'Baano'n Ko AJab RanJ Say Taktay Hai'n Gullaab,

Gul'Farosh AaJ Boht Jam'Aa Hai'n GullZaar Kay Beech.......... !!

Qaatill Iss Shehr Kaa Jab Baantt Raha Tha Mansab,

Aik Darwesh Bhi Dekha, Ussi Baazaar Kay Beech.......... !!

KaJ Adaao'n Ki Inaayat Hai Kay Hum Say Ush'Shaaq

Kabhi Deewar Kay Peechhay, Kabhi Deewaar Kay Beech.......... !!

Tum Ho Naa'Khus To Yahaa'n Kon Hai Khush Phir Bhi Faraz,

Log Rehtay Hai'n Issi Shehr-E-Dill-E-AaZaar Kay Beech.......... !!*

Read More

Azaab Or Tarah Kay....

Roman Urdu

Ab Log Jo Dekhe'n Gay To Khwab Or Tarah Kay.......... !!

Iss Shehr Pay Utre'n Gay Azaab Or Tarah Kay.......... !!

Ab Kay To Naa Chehray Hai'n, Naa Aankhe'n Hai'n, Naa Lab Hai'n,

Iss Ehd Nay Pehnay Hai'n Naqaab Or Tarah Kay.......... !!

Ab Koocha-E-Qaatill Say Bullaawa Nahee'n Aata,

Qaasid Hai'n Kay Laatay Hai'n Jawaab Or Tarah Kay.......... !!

Sau(100) Teer Taraazu Hai'n Rag-E-Jaa'n Me'n To Phir Kya,

Yaaro'n Ki Nazar Me'n Hai'n Hisaab Or Tarah Kay.......... !!

Iss Daur Kay Mausam Nay AJab Aag Lagaayi,

Jismo'n Me'n Dehektay Hai'n Gullaab Or Tarah Kay.......... !!

Waa'IzZ Say Faraz Apni Bani Hai Naa Banay Gi,

Hum Or Tarah Kay Hai'n Janaab Or Tarah Kay.......... !!*

Read More

Afriyat.............

Roman Urdu

Afriyat

Khof'Zada Maaye'n

Bacho'n Ko Seeno'n Say Liptaaye

Thar Thar Kaanp Rahi Hai'n

Basti Waallay Kehtay Hai'n

Iss Qirya Me'n

Ik Aadam-Khor Afriyat Hai

Jiss Kay Boht Say Chehray Hai'n

Or Jiss Ghar Me'n Bhi

Kissi Sadaa Ki Sham'Ma Jallay

Yaa Kissi Dua Kaa Phool Khilay

Wo Subah Say Pehllay

Saaray Ghar Ko Khaa Jaata Hai

Kitni Baar Kayi

Dill Waallay

Apnay Dukhi Seeno'n Me'n Gham Kay Jigar Jigar Angaaray

Or Zakhmi Aankho'n Me'n

Jag'Mag Jag'Mag Taaray Le Kr

Iss Afriyat Ki KhoJ Me'n Nikllay

Lekin Aglli Shaam

Iss Terrhi Tirchhi Pag'Dandi Pr

Jo Kaallay Saanpo'n 

Or Peellay Kaanto'n Waallay

Jangal Ko Jaati Hai

Un Kay Sr

Un Kay BaaZu

Un Ki Aankhe'n Lahoo'Luhaan

Or Alag Alag Or Tukrray Tukrray Milli Hai'n

Iss Manzar Ki Sed Say Ab Tak
Basti Waallo'n Kay
Munh Pr
Or Aankho'n Pr
Khud Un Kay Apnay Haath Dharay Hai'n................. !!

Read More

Qaasid Kabootar...

Roman Urdu

Qaasid Kabootar

Ye Lahoo

Jiss Say Mere

Shehro'n Kay Saaray Raasstay

Gull'Koo'n Hai'n

Or Hr Pairahan Kaa Rang Hun'Naabi Hai

Kal Kay Mausmo'n

Or Aanay Waallay

SoorJo'n

Kaa ZamZama Hai..

Challo Tum Nay To

Kaalli Surkhiyaa'n

MaqraaZ Kr Daallee'n

Sukhan Nakh'Cheer Kr Daallay

Qallam ZanJeer Kr Daallay

Magar Ab Un Hawaao'n Ko Bhi Roko

Jo Tumhaaray Maqtalo'n Ki Laalliyaa'n

Or TaaZa Khoo'n Ki Khushbuye'n

Or Un Ki AawaaZe'n Liye

Gallyo'n Say

BaaZaaro'n Say

Shehraao'n Say Ho Kr

Hr Taraf

Qarya Ba Qarya

Phaillti Jaati Hai'n

Naadaano

Hawaaye'n Naama'Br Banti Hai'n

Jab Qaasid Kabootar Qaid Hotay Hai'n.. !!*

Read More

Mera Qaatill...

Roman Urdu

Hr Koi Tur'Ra-E-Pechaak Pehn Kr Nikla..

Aik Mai'n Parahan-E-Khaak Pehn Kr Nikla..

Or Phir Sab Nay Dekha Kay Issi Maqtal Sy,

Mera Qaatil Meri Poshaak Pehn Kr Nikla..

Aik Banda Thaa Kay Oarrhay Thaa Khudaayi Saari,

Ik Sitaara Tha Kay Aflaak Pehn Kr Nikla..

Aisi Nafrat Thi Kay Iss Shehr Ko Jab Aag Lagi,

Hr Bagola Khas-O-Khaa'Shaak Pehn Kr Niklaa..

Turkash-O-Daam Abas Lay Kay Challaa Hai Say'Yaad,

Jo Bhi Nakh'Cheer Hai Fatraak Pehn Kr Niklaa..

Uss Ki Qaamat Say Ussay Jaan Gaye Log "Faraz"

Jo Libaada Bhi Wo Chaallaak Pehn Kr Nikllaa.. !!*

Read More

Nadeem Aankhe'n, Nadeem Chehraa...

Roman Urdu

Nadeem Aankhe'n, Nadeem Chehra

Nadeem Chup Tha

Magar Sadaa Ki Shafeeq Aankho'n Pay

Dukh Ki Kaayi Jami Huyi Thi

Sadaa Kay Uss MehrBaan Chehray Kaa Zakhm

Jo Kab Kaa Bhr Chukaa Tha

Wo Phir Harraa Ho Kay KunJ-E-Lab Say Dill-O-Jigar Tak Pohnch Chuka Tha

Nadeem Chup Thaa..

MuJhe To Aisa Lagaa Kay Jaissay

Kissi Nay Uss Kay Naheef Shaano'n Say

Uss Kay Zinda-O-WaJeeha Sr Ko Hattaa Kay

Zoobi Kaa Saakhta-E-Safaalee'n

Laga Diya Hai

Ye Karb-E-Zabt-E-Alam Ki Had Thi

Boht Say Ahbaab Jamaa Thay

Jab

Adaalat-E-Aalliya Kay Aewaano'n Say

Mai'n Hiraasat Me'n

Baahr Aaya

Idhar Udhar log Haall Ahwaall Poochhnay Kay Liye

Kharray They

To Kishor-O-Kaamraa'n Ki Aankho'n Me'n Siskiyaa'n

Or Gallay Me'n Aansoo Atak Gaye Thay

Ye Wo Gharri Thi

Kay Meray Andar Kay Hoslo'n Ki

Sabhhi Chataane'n Tarrakh Rahi Thee'n

Wo ZallZallaa Saa WaJood Mai'n Tha

Kay Meri Bunyaad Hill Rahi Thi

Gunaah Mery Qallam Kaa Such Tha

Aur Uss Ki Paadaash Mery Yaaro'n Ko

Mery Pyaaro'n Ko Mill Rahi Thi

Ye Saa'At-E-Jaanistaa'n Karri Thi

Aur Uss Kay Pehllay Kay Such Kaa Pindaar

Waahimo'n Say Shikast Khaata

Nadeem Ki Mehrbaan Aankhe'n

Nadeem Kay Dill-Noor Lab MuJh Say Keh Rahay Thay

Fazar Hum Tum To Wo Hai'n

Jin Kay Naseeb Me'n Zindagi Ki Saari Aziyate'n Hai'n

Kay Jiss Musaafat Pay Hum Challay Hai'n

Wo Harf-E-Haq Ki MuJaahidat Hai

Hame'n Naa Hars-E-Chasham Naa Maall-O-Mallaal Ki Aarzoo Rahi Hai

Naa Hum Ko Talb-O-Illm Naa Jaa-O-Jallaall Ki Just'Ju Rahi Hai

Bss Ik Qallam Hai Kay Jiss Ki Naamass

Hum Faqeero'n Kaa Kull-Asaasa Hai Aabroo Hai

Bss Aik Such Hai

Kay Jiss Ki Hurmat Ki Aagahi Say

Meray Badan Me'n Teray Badan Me'n

Mery Qallam Me'n Teray Qallam Me'n

Wohi Lahoo Say

Kay Jiss Say Irfan Ki Namoo Hai

Kay Jiss Say Insaa'n Ki Aabroo Hai

Abhi Say Tum Dollnay Lagay Ho

Abhi Say Sukh Kay Muqaabllay Me'n Sa'Oobate'n Tollnay Lagay Ho

MuJhe Bhi Dekho

Kay Jiss Kay Pairahn-E-Dill-O-Jaa'n Pay Saatth

Paiwand Lag Chukay Hai'n

Tamaam Paiwan Zindagi Ki Ra'Eedate'n Hai'n

Magar MuJhe MuZmahil Bhi Dekha.. ?

Kabhi MuJhe Munfa'Ill Bhi Dekha.. ?

Mai'n Ab Bhi Dasht-E-Wafaa Me'n Garm-E-Safar Hoo'n Garm-E-Safar Raha Hoo'n

Kay Mai'n SamaJhta Hoo'n

Yeh Wo Sehraa-E-Dard Hai Jiss Me'n

Tishnagi Hai, Garasnagi Hai, Rehnagi Hai

Yahaa'n Mallaamat Kay Sang.....Taa'No'n Kay Teer

Sharmindagi Kay KhanJar Baras Rahay Hai'n

Yahaa'n To Hr Raah'Roo Ki Gardan Me'n Tooq Paao'n Me'n Berriyaa'n Hai'n

Yahaa'n To Zindaa'n Ki Zullmate'n Aur Qatl-Gaaho'n Ki Laalliyaa'n Hai'n

Magar Kabhi Mai'n Ruka Nahee'n Hoo'n, Magar Kabhi Mai'n Jhukaa Nahee'n Hoo'n

Yahi To Dasht-E-Wafaa Hai Jiss Me'n

Tumhaaray Jismo'n, Hamaaray Jismo'n

Kay Hr Taraf IstKhwaa'n Parray Hai'n

Yahi To Wo Raastay Hai'n Jin Me'n

Sadaaqato'n Kay Amee'n Larray Hai'n

Faqat Hamee To Nahee'n Akaillay

Yahaa'n Boht Say Allam Garray Hai'n

Unhee'n Kay Eesaar Say Hee JaanBr Sadaaqate'n Hai'n

Unhi Kay Afkaar Say Hee

Hum Ahl-E-Dill Ki Baaham Rafaaqate'n Hai'n

Tumhaaray Baazu Abhi Tawaana Hai'n

Jism Me'n Khoo'n Khaulta Hai

Qallam Say Ehd-E-Wafaa Kiya Hai

Uthaao Aankhe'n Kay Such Amar Hai

Qallam Ka Wafdaan Mo'Atbar Hai

Mai'n KunJ-E-Zindaa'n Me'n Aa Chuka Hoo'n

Magar Abhi Tak

Meri Nigaaho'n Kay Saamnay Hai'n

Nadeem Aankhe'n Nadeem Chehra.. !!*

Read More

Ay Shehr Mai'n Tera Naghma'Gr Hoo'n...

Roman Urdu

Ay Shehr Mai'n Tera Naghma'Gr Hoo'n

Geeto'n Say TuJhe Lubhhaanay Waalla

Khwaabo'n Say TuJhe SaJaanay Waalla

Mai'n Teri Udaass Saa'Ato'n Me'n

Ronay Waalla, Rullaanay Waalla

Mai'n Teri Khushi Ki Mehfilo'n Me'n

Naghmo'n Kay Charaagh Laanay Waalla

Hr Raah Me'n Tera HumSafar Hoo'n

Ay Shehr Mai'n Tera Naghma'Gr Hoo'n..

Ab Haatho'n Me'n Meray Hath'Karri Hai

Ab Paao'n Me'n Mery Berriyaa'n Hai'n

Ab Dast-E-Sabaa Hai Dast-E-Qaatil

Ab Abr-E-Karam Me'n BiJliyaa'n Hai'n

Ab Jiss Davaam Teri Qismat.. !!*

Read More

Taallay Parray Zabaano'n Me'n...

Roman Urdu

Makeen Khush Thay Jab Band Thay Makaano'n Me'n

Khulay Kivaarr To Taallay Parray Zabaano'n Me'n..

Darakht Maao'n Ki Maanind IntZaar Me'n Hai'n

Tayoor Laut Kay Aaye Naa Aashiyaano'n Me'n..

Hawaa Ki Zad Pay Bhi Do Ik Charaagh Roshan Hai'n

Ballaa Kay Hosllay Dekhay Hai'n Sakht Jaano'n Me'n..

MuJhe Hallaak Kiya Aitmaad Nay Meray

Kay Mekbath Thay Sabhi Mery MeZbaano'n Me'n..

Kall Aayinay Nay Barri Dukh Ki Baat MuJh Say Kahee

Faraz Tu Bhi Hai GuZray Gaye Zamaano'n Me'n.. !!*

Read More

Dill-E-Naadaa'n...

Roman Urdu

Chaand Rukta Hai Naa Aati Hai Sabaa Zindaa'n Kay Paass..

Kon Lay Jaaye Mery Naamay Meray Jaanaa'n Kay Paass..

Ab Ba'Juz Tark-E-Wafaa Koi Khayaal Aata Nahee'n

Ab Koi Haila Nahee'n Shaayad Dill-E-Naadaa'n Kay Paas..

Chand Yaade'n Nooha-Gr Hai'n Khaima-E-Dill Kay Qareeb

Chand Tasweere'n Jhalakti Hai'n Saf-E-Mazgaa'n Kay Paass..

Shehr Waallay Sub Ameer-E-Shehr Ki MaJllis Me'n Hai'n

Kon Aaye Gaa Ghareeb-E-Shehr-E-Naa-Pursaa'n Kay Paass.. !!*

Read More

Paass Kya Tha...

Roman Urdu

Paass Kya Tha

Paass Kya Tha Ky Toot'ti Dunya

Hum To Kal Bhi Thay Be-Sar-O-Saamaa'n..

AaJ Deewaar Khinch Gayi Hai Agar

Shehr Kal Bhi Soorat-E-Zindaa'n..

Ik Mataa-E-Sukhan Thi Paass Apnay

Aik Saaz-E-Wafa Thaa Daulat-E-Jaa'n.. !!*

Read More

Ghazaalaa'n Tum To Waaqif Ho..

Roman Urdu

Ghazaalaa'n Tum To Waaqif Ho

Ghazaalaa'n Tum To Waaqif Ho So Ho MaJnoo'n Pay Jo Guzri

Jo Naalla-E-Mehmil-E-Laila Me'n Tha Hum Bhi SamaJhtay Hai'n..

Hawas Waalo'n Ko Kya Kya Naaz Hai Apnay Qareeno'n Pr

Magar Sasm-O-Reh Shehr-E-Wafaa Hum Bhi SamaJhtay Hai'n..

Yoo'nhi Aaye Nahee'n Hai'n Koocha-E-Chaak-E-Girebaa'n Me'n

MizaaJ-E-Dill Mohabbat Ki Adaa Hum Bhi SamaJhtay Hai'n..

Bahaar Aanay Say Pehlay Perahan Me'n Aag Lagti Hai

Basaan-E-Laalla-E-Aatish'Qabaa Bhi Hum SamaJhtay Hai'n.. !!*

Read More

Bayaad-E-Jaanaa'n...

Roman Urdu

Bayaad-E-Jaanaa'n

Dill Qafass Me'n Bhi Ghazal Khwaa'n Hai Bayaad-E-Jaanaa'n

Gham-E-Jaa'n Bhi Gham-E-Jaanaa'n Hai Bayaad-E-Jaanaa'n..

Kab Rag-O-Pay Me'n Naa Tha Dard Kaa Qaatil Nishtar

AaJ Paiwast-E-Rag-E-Jaa'n Hai Bayaad-E-Jaanaa'n..

Yoo'n Sabaa Aati Hai Kul'Gasht Ko, Jaisay Zindaa'n

Koocha-E-Chaak GireBaa'n Hai Bayaad-E-Jaanaa'n.. !!*

Read More

Pehli Aavaaz...

Roman Urdu

Pehli Aavaz

Itnaa San'Naata Kay Jaisay Ho Sakoot-E-Sehra

Aisi Taareeki Aankho'n Nay Duhaayi Di Hai..

Janay Zindaa'n Say Udhar Kon Say Manzar Ho'n Gay

MuJh Ko Deewaar Hee Deewaar Dikhaayi Di Hai..

Door Ik Jaakhta Boli Hai Boht Door Kahee'n

Pehli Aavaaz Mohabbat Ki Sunaayi Di Hai.. !!*

Read More

AJeeb Manzar..

Roman Urdu

AJeeb Manzar Sawaad-E-Shaam Kay Aankho'n Me'n Phirtay Hai'n..

Hawaa SooraJ Ki Mash'All Ko Jallaati Hai, BuJhaati Hai..

Ufaq Pr Kitni Tasweere'n Ubharti Hai'n, Bikharti Hai'n..

To Daamaan-E-Nazar Me'n Be-Mahaaba Phool Khilltay Hai'n..

To Jaisay Jo-E-Baar-E-Yaad-Yaaraa'n Gun'Gunaati Hai..

Wo Humdum MuJh Ko Hairaan-O-Pareshaa'n Dhoondtay Ho'n Gay

Kay Jin Ki Mehrbaa'n Aankho'n Me'n Shabnam JhillMilaati Hai..

Qafass Me'n Rozan-E-Deewaar-O-Zakhm-E-Dr Nahee'n Lekin

Navaa-E-Taayeraan-E-Aashiyaa'n Gum Kr Wo Aati Hai.. !!*

Read More

Dil-Geer Teray..

Roman Urdu

Sard-O-Sanobar Shehr Kay Martay Jaatay Hai'n..

Saaray Parinday HiJrat Kartay Jaatay Hai'n..

Phir Say Toot Kay Ronay Ki Rut Aayi Hai

Phir Say Dillo'n Kay Zakhm Nikhartay Jaatay Hai'n..

Jhhooti Sachi Taa'Beero'n Ki Khuwaahish Me'n

Kaisay Kaisy Khuwaab Bikhartay Jaatay Hai'n..

Kaisay Kaisay Yaaro'n Kaa Behroop Khulla

Kaisay Kaisay Khholl Utartay Jaatay Hai'n..

In Haalo'n Kab Apnay Aap Ko Dekha Tha

Kehnay Ko Din Raat Guzartay Jaatay Hai'n..

RahGeero'n Ki Khaamoshi Ko Ghor Say Sun

Yoo'n Hai Jaisay Maatam Kartay Jaatay Hai'n..

Maa'n Mitti Nay Khoon Maanga Thaa Or Bety

Paani Me'n Taallaab Ko Bhartay Jaatay Hai'n..

Kabhi Kabhi Koi Aisa Musaafir Aata Hai

Rastay Apnay Aap Sanwartay Jaatay Hai'n..

Koi Nayaa Ehsaan Kay Humdum Dereena

Jitnay Puraanay Zakhm Thay Bhartay Jaatay Hai'n..

Shehr-E-Ghazal Ki Galyo'n Me'n Dill-Geer Teray

TuJh Say Teri Baate'n Kartay Jaatay Hai'n.. !!*

Read More

Aadaab..

Roman Urdu

Kab Hum Nay Kaha Tha Hame'n Dastaar-E-Qabaa Do..

Hum Log Navaa-Gr Hai'n, Hame'n Izn-E-Navaa Do..

Hum Aayeney Laaye'n Hai'n Sar-E-Koo-E-Raqeebaa'n

Ay Sang-Farosho Yahi Illzaam Laga Do..

Lagta Hai Kay Mela Laga Hai Sar-E-Maqtal

Ay Dill-E-Zadgaa'n Baazu-E-Qaatil Ko Duaa Do..

Hum Baadah-Gusaaro'n Ko To Meh'Khaanay Say Nisbat

Tum Masnad-E-Saaqi Pay Kissi Ko Bhi Bitthaa Do..

Mai'n Shab Kaa Bhi MuJrim Tha, Sehr Kaa Bhi Guneh'Gaar

Logo MuJhe Iss Shehr Kay Aadaab Sikha Do.. !!*

Read More

Aayena Gr...

Roman Urdu

Fiza Be-Abr, Shaakhe'n Be-Samar Hai'n..

Parindo'n Say ShaJar Mehroom-Tr Hai'n..

Koi Mausam Qareenay Kaa Naa Aaya

Hawaao'n Ky Sukhan Naa-Mo'Atbar Hai'n..

Teri Qurbat Kay Lamhay Phooll Jaisay

Magr Phoolo'n Ki Umre'n Mukhtasar Hai'n..

Boht Say Zakhm Tery Naam Kay They

Issi Baais Boht Say Chaarah-Gr Hai'n..

Parray Hai'n Qurbato'n Me'n Faasllay Wo

Kay Jo Nazdeek-Tr Thay, Door-Tr Hai'n..

Shab-E-Afsos Kay BuJhtay Charaagho

Zaraa Thehro Kay Hum Bhi Raat-Bhr Hai'n..

Faraz Apna Muqad'Dar Sang'Saari

Hum'Ee Iss Ehd Kay Aayena-Gr Hai'n.. !!*

Read More

Harf Ki Tauqeer..

Roman Urdu

Ye Mai'n Bhi Kya Hoo'n Ussay Bhooll Kr Ussi Kaa Raha..

Kay Jiss Kay Saath Naa Tha, Huim'Safar Ussi Kaa Raha..

Wo But Kay Dushman-E-Dee'n Tha Ba'Qaul Naaseh

Sawaall-E-SaJdaa Jab Aaya To Dr Ussi Kaa Raha..

Hazaar Chaarah-Garo'n Nay Hazaar Baate'n Kee'n

Kahaa Jo Dill Nay Sukhan Mo'Atbar Ussi Kaa Raha..

Boht See Khwaahishe'n Sau Baar Baarisho'n Me'n Bheegi Hai'n

Mai'n Kiss Taraah Say Kahoo'n Umr Bhar Ussi Kaa Raha..

Kay Apnay Harf Ki Tauqeer Jaanta Tha Faraz

Issi Liye Kaf-E-Qaatil-E-Pay Sr Ussi Kaa Raha.. !!*

Read More